بعض المواعظ للاعتبار بذكر الأقوال والآثار
الجـزء السـادس
أنا أفكر إذن انا موجود
-ديكــارت-
أنا موجود إذن أنا أفكر
-سارتر-
*******
الحق من غير قوة تحمى زى اليتيم اللى من غير اب ولا ام
-أحمد زكي-سعد اليتيم-
*******
يعني بيلوا دراعي؟
دول عايزين يعملوا فراغ سياسى فى البلد
طيب هما قدموا استقالتهم وده حقهم
وانا قبلت استقالتهم جميعا وده حقي
وهنشوف الناس هتهتف لمين
دول لازم يتحكموا بتهمة الغباء السياسى
-محمد أنور السادات-
*******
كل واحد مننا جواه قوة روحية لما يكون عنه ارادة تطلع
-محمد هنيدي-فول الصين العظيم-
*******
بعض الناس كالبثور يجب أن تضغط عليها ليرى الجميع بشاعتها.. والبعض الأخر كالنسور يجب أن ترفع رأسك عاليا كي ترى شموخها
-فيلسوف الغبرة-
*******
أنا أقدم واحد فى العمارة دي
-عادل امام-عمارة يعقوبيان-
*******
إياكي تقولي حاجة فيها حرف (سين) احسن مامته تعرف ان السين مابتجبش معاكي
-والدة قريبتي لابنتها عندما جاءها العريس ليزورها أول مرة-
*******
انا تعبت من الكحّه
والكحه لسه متعبتش مني
-أنا لما بيجيلي برد-
*******
محدش يقولى يااستاذ.. أنا مش استاذ.. أنا باشا
-ضابط شرطة فى إحدى توكيلات السيارات-
*******
لا الجنة قابلاني
ولا النار عيزاني
أبات فين؟ في الشارع مثلا؟
-فريد شوقى-طريد الفردوس-
*******
أنا مبأتش أخاف زي الاول
أنا بقيت أخاف أكتر
-محمد هنيدي-
*******
عرفت الحب لأول مرة فى حياتى.. انه كالموت تسمع عنه كل حين خبرا
لكنك لا تعرفه الا اذا حضرا
وهو قوة طاغية, يلتهم فريسته
يسلبه اى قوة دفاع. يطمس عقله وادراكه
انه العذاب والسرور واللانهائى
تلاشى شخصي القديم تماما وحل محله آخر
بلا تراث او مبادئ, ينقض على مصيره بعينين معصوبتين
وجعلت اتساءل: كيف الوصول الى نور القمر؟
-نجيب محفوظ-الحب فوق هضبة الهرم-
*******
مش عاوز اخاف منك
أنا عاوز أحبك زى أبويا
-محمود حميدة-فيلم بحب السيما-والكلام موجه للرب-
*******
البانجو ده مش بتاعى
-أغنية شعبية جديدة-
*******
ممنوع التبول هنا يا ولاد الـ
-بالبويه على سور فيلا ببيانكي العجمي-
*******
أنا جالي عريس امبارح
حاول تعمل حاجة
-أي بنت بقولها انى معجب بشخصيتها-
*******
انت عارف يا دونجا
انا بحب ياسمين حمدي وياسمين حمدي بتحب الزعل
-مجدي فتحي صاحبي-
*******
هو في التلفون: ابقى عدّي عليا فى البيت علشان نسيتي ميدالية المفاتيح الذهب وانا لاقيتها
في المشهد التاني لما راحتله البيت ورنت الجرس.. فتح الباب
قالها: على فكرة انا مالقيتش المفاتيح بتاعتك
قالت: وانا ماضعتش مني المفاتيح
-عادل ادهم وسهير رمزى-المذنبون-
*******
أنا لا ألوم عليك وأتوقع ردود أفعالك
إذا لم تتأدب مع الله فكيف لك ان تتأدب معي؟
-.....-
*******
ـ الواحد لما يكبر.. يموت؟
ـ أيوة ياحبيبي
ـ طيب انا عاوز أصغر
-ابن اختي الصغير 4 سنوات-
*******
ياشيماء دول علاج
انتيِ ضغطك واطي وهمّ هايرفعولك الضغط
-أنا لزوجتي عن ناس دمها تقيل-
ـ أيوة ياحبيبي
ـ طيب انا عاوز أصغر
-ابن اختي الصغير 4 سنوات-
*******
ياشيماء دول علاج
انتيِ ضغطك واطي وهمّ هايرفعولك الضغط
-أنا لزوجتي عن ناس دمها تقيل-
*******
من طـارق فـاروق
ليست هناك تعليقات:
إرسال تعليق